चमेलिया नदी सतर्कता तह पार, बौलीगाड खोलाको जल सतह पनि बढ्दो

काठमाडौँ। सुदूरपश्चिम क्षेत्रका प्रमुख नदी तथा खोलाहरूमा जल सतह लगातार बढिरहेको जल तथा मौसम विज्ञान विभागले जनाएको छ। विभागका अनुसार दार्चुला र बझाङ जिल्लामा बाढीको सम्भावना बढेको छ, जसका कारण तटीय क्षेत्रका बासिन्दालाई उच्च सतर्कता अपनाउन आग्रह गरिएको छ।

दार्चुला जिल्लाको चमेलिया नदीमा आइतबार बिहान ३ः३० बजे जल सतह सतर्कता तह पार गरी बढ्दो क्रममा रहेको विभागले जानकारी दिएको छ। नदीको तटीय क्षेत्र र डुबान भइरहने होचो भू–भागमा रहेका स्थानीयलाई सतर्कता अपनाउन विभागले चेतावनी दिएको हो।