खतरनाक बन्दै ‘भाइ दादागिरी !’

अहिले विश्वमा भाइ दादागिरी चलिरहेको छ । दाइमध्ये अमेरिकाको उमेर खस्किसकेको र चीनको बैंस नचढिसकेकाले भाइ दादागिरीको मौसम चलिरहेको छ । विश्वमा हरक्षण हलचल त हुन्छ नै । शान्त हुने भनेको केही क्षण हो । अधिकांश समय संघर्ष र दमन तथा प्रतिरोधमै जान्छ ।

इजरायलले पनि यही भाइ दादागिरी देखाउन चाहेको छ । तर, यो दादागिरीको हदम्याद धेरै छैन भन्ने सबैलाई थाहा छ । तर, इजरायललाई उन्माद किन चढिरहेको होला ? संसार अब अमेरिकाको पक्षमा मात्र छैन । एकलौटी जे पनि गर्नसक्छ अमेरिकाले भन्ने पनि छैन । युरोपपछि बूढेसकालले संयुक्त राज्य अमेरिकालाई छोइसकेको छ ।