रास्वपा लुम्बिनी अधिवेशन : मतदान सुरु

बुटवल । राष्ट्रिय स्वतन्त्र पार्टी (रास्वपा) को लुम्बिनी प्रदेशको प्रथम अधिवेशनअन्तर्गत दाङको घोराहीमा शनिबार साँझदेखि मतदान सुरु भएको छ। सर्वसम्मत नेतृत्व चयनको प्रयास सफल हुन नसकेपछि नयाँ नेतृत्व निर्वाचनमार्फत चयन गर्न मतदान प्रक्रिया अघि बढाइएको हो।

निर्वाचन समितिका अनुसार प्रदेश सभापति पदका लागि ६ जनाले उम्मेदवारी दर्ता गराएका छन्। सभापति पदका उम्मेदवारमा शालिकराम घिमिरे, डा. राजकुमार सुबेदी, गणेश पौडेल, मञ्जु भुसाल, मधु अर्याल र अर्घाखाँचीका गोपाल घिमिरे रहेका छन्।