मुम्बईलाई पराजित गर्दै कोलकताको प्लेअफ सम्भावना जीवित

काठमाडौँ । इन्डियन प्रिमियर लिग अन्र्तगत बुधबार भएको खेलमा कोलकाता नाइट राइडर्सले मुम्बई इन्डियन्सलाई ४ विकेटले पराजित गरेको छ । यो पराजयसँगै कोलकताको अघिल्लो चरण प्रवेशको सम्भावना अझै जीवितै रहेको छ ।

१३ खेलबाट १३ अंक जोडेको कोलकता अंक तालिकाको चौथो स्थानका लागि अझै संघर्षरत छ । टस हारेर पहिले ब्याटिङको निम्तो पाएको मुम्बईले निर्धारित २० ओभरमा ८ विकेट गुमाउँदै १४७ रन मात्र बनाउन सक्यो । मुम्बईका लागि कोर्बिन बोशले १८ बलमा अविजित ३२ रन जोडे भने कप्तान हार्दिक पाण्ड्याले २६ र तिलक वर्माले २० रनको योगदान दिए । कोलकताका बलरहरू क्यामरुन ग्रीन, सौरभ दुबे र कार्तिक त्यागीले कसिलो बलिङ गर्दै समान २–२ विकेट लिएका थिए ।