पाल्पामा ८४२ एचआइभी सङ्क्रमित, नियमित औषधि सेवन गर्ने ३५४ जना

पाल्पा जिल्लामा हालसम्म ८४२ जना एचआइभी सङ्क्रमित रहेको तथ्यांक सार्वजनिक भएको छ। जिल्लास्थित स्वास्थ्य कार्यालयका अनुसार तीमध्ये ३५४ जनाले नियमित रूपमा औषधि सेवन गरिरहेका छन्।

स्वास्थ्य कार्यालय पाल्पाका क्षयकुष्ठ रोग अधिकृत विश्वनाथ न्यौपानेका अनुसार सङ्क्रमितहरूले पाल्पा अस्पताल र रामपुर अस्पतालस्थित एआरटी सेन्टरबाट नियमित औषधि प्राप्त गरी सेवन गरिरहेका छन्। नियमित औषधि सेवन गर्नेहरूमध्ये १२ जना बालबालिका रहेका छन्। गत आर्थिक वर्षमा पाँच जना एचआइभी सङ्क्रमितको मृत्यु भएको पनि उनले जानकारी दिए।