महानगर जनप्रतिनिधि र ट्राफिक प्रहरीबिच अन्तरक्रिया

काठमाडौँ । काठमाडौँ उपत्यकामा बढ्दो सडक दुर्घटनालाई कम गर्न काठमाडौँ उपत्यका ट्राफिक प्रहरी कार्यालय र काठमाडौँ महानगरपालिकाका जनप्रतिनिधिबिच बुधबार अन्तरक्रिया तथा छलफल कार्यक्रम सम्पन्न भएको छ ।

उपत्यका ट्राफिक प्रहरी कार्यालयको आयोजनामा सम्पन्न उक्त कार्यक्रममा सडक दुर्घटनाको कारण, न्यूनीकरणका उपाय, स्थानीय तहको भूमिका तथा दीर्घकालीन सचेतना अभियानलाई प्रभावकारी बनाउने विषयमा गहन छलफल गरिएको उपत्यका ट्राफिक प्रहरी कार्यालयका प्रवक्ता एवं प्रहरी उपरीक्षक नरेशराज सुवेदीले राससलाई जानकारी दिए । उनका अनुसार कार्यक्रममा महानगरपालिकाका वडाअध्यक्ष, कार्यपालिका सदस्य तथा ट्राफिक प्रहरी प्रमुख सहितका अन्य ट्राफिक प्रहरी अधिकृतको सहभागिता रहेको थियो ।