१८ हजारभन्दा बढी बालबालिकामा कडा कुपोषण

काठमाडौँ । सरकारले सञ्चालन गरेको ‘राष्ट्रिय पोषण लेखाजोखा अभियान’का क्रममा देशभर १८ हजारभन्दा बढी बालबालिकामा कडा शीघ्र कुपोषण देखिएको छ।

स्वास्थ्य तथा खाद्य स्वच्छता मन्त्रालयअन्तर्गत स्वास्थ्य सेवा विभागको पोषण शाखाले अभियानको तथ्याङ्क सार्वजनिक गर्दै १८ हजार ३०९ बालबालिकामा कडा शीघ्र कुपोषण भेटिएको जनाएको हो। पोषण शाखा प्रमुख लिलाविक्रम थापाका अनुसार अभियानअन्तर्गत १० लाख ३५ हजार २०१ बालबालिकाको परीक्षण गरिएको थियो।