[अर्काइभ] उहिलेका ती विद्रोही देउवा र अहिलेका यी संस्थापन देउवा...

काठमाडौँ — २०५९ जेठ १४ मा तत्कालीन प्रधानमन्त्री शेरबहादुर देउवाले आफ्नै निवास बालुवाटरमा कार्यकर्ता भेटघाट कार्यक्रमलाई सम्बोधन गर्दै भनेका थिए, ‘गिरिजाप्रसाद कोइराला भ्रष्टाचारी भएकाले पार्टीेको शिर निहुरिएको छ । गिरिजाप्रसादले पार्टीमा सुरु गरेको दास प्रथाविरुद्धको लडाइँ प्रारम्भ गरेको छु । माओवादीले जंगलबाट र गिरिजाप्रसादले कांग्रेसभित्र आतंक मच्चाइरहेका छन् । आफ्ना आलोचकलाई समाप्त पार्न लागेका दुवै (माओवादी र गिरिजाप्रसाद)बीच फरक छैन ।’

२४ वर्षअघि गिरिजाप्रसादमाथि लगाएको आरोपलाई नै अहिलेको विशेष महाधिवेशन पक्षधरले देउवाविरुद्ध मूल मुद्दा बनाएका छन् । त्यसैले देउवाले त्यसबेला गिरिजप्रसादविरुद्ध गरेको प्रश्न अहिले आफैंमाथि उठेको छ । विद्रोहका बेला उठाएका सवालहरूको जवाफ अब उनैले दिनुपर्ने परिस्थिति बनेको छ ।