माछा मार्ने क्रममा करेन्ट लागेर श्रीमान्-श्रीमतीको मृत्यु 

पोखरा — खेतमा पानी लैजाने कुलोमा करेन्ट प्रयोग गरी माछा मार्ने क्रममा श्रीमान्-श्रीमतीको निधन भएको छ । पोखरा-२९ पट्नेरीमा सोमबार करेन्ट लागेर ४६ वर्षीय भीमलाल सुनार र उनकी श्रीमती सावित्री सुनारको निधन भएको हो ।

सोमबार दिउँसो ४ बजे माछा मार्नका लागि करेन्ट लगाउने क्रममा करेन्ट लागि मानिसहरू घाइते भएको भन्ने सूचनाका आधारमा इलाका प्रहरी कार्यालय शिशुवाबाट प्रहरी टोली उद्धारमा खटिएको थियो । सुनार दम्पतीलाई उद्धार गरी उपचारका लागि पश्चिमाञ्चल क्षेत्रीय अस्पताल पठाएकोमा चिकित्सकले साँझ ५:३० बजे दुवैलाई मृत घोषणा गरेका थिए ।