मुख्य सामग्रीमा जानुहोस्

समाचार

स्वास्थ्य

...नत्र हुन सक्छ मधुमेह

annapurnapost.com · Sun Nov 14 06:44:00 GMT 2021

काठमाडौं : तपाईंको जीवनशैली कस्तो छ ? खानपान स्वस्थकर छ ? राति खाना खाएको कति घण्टापछि सुत्नुहुन्छ ? जीवनशैली र खानपान स्वस्थ छैन भने बेलैमा सुधार्नुहोस्। नत्र, मधुमेह (डायबिटिज) ले जीवनभर पिरोल्न सक्छ।

घर–घरमा मधुमेहका बिरामी देखापर्न थालेका छन्। बालबालिकादेखि ज्येष्ठ नागरिकसम्म मधुमेहको मारमा छन्। वरिष्ठ मधुमेह रोग विशेषज्ञ डा. ज्योति भट्टराईका अनुसार प्रौढ जनसंख्यामध्ये झन्डै ८ प्रतिशतमा मधुमेह भएको अनुमान छ। यस रोगले औसतमा १३ वर्ष आयु घटाउने चिकित्सकहरू बताउँछन्। बढ्दो आधुनिकीकरण एवं सहरीकरण, अस्वस्थ जीवनशैली र खानपानले मधुमेह पीडितको संख्या बढ्दै गएको डा. भट्टराईको भनाइ छ। मधुमेहले मस्तिष्क, आँखा, मुटु, मिर्गौला, नसालगायत शरीरका महत्वपूर्ण अंगहरूमा असर गरी ज्यान लिने चिकित्सक बताउँछन्।

स्रोतमा पूरा पढ्नुहोस् (annapurnapost.com)