काठमाडौंको टोखा नगरपालिकामा आज सार्वजनिक बिदा

४ वैशाख, काठमाडौं । काठमाडौंको टोखा नगरपालिकाले आज नगरपालिकाभर सार्वजनिक बिदा दिएको छ । बिस्का जात्राको अवसरमा वैशाख ४ गते एक दिन नगरपालिकाभर सार्वजनिक बिदा दिइएको हो ।

गत चैत २९ गते बसेको नगर कार्यपालिकाको बैठकले वैशाख १ देखि ५ गतेसम्म मनाइने बिस्का जात्राका अवसरमा वैशाख ३ गते टोखा नगरपालिकाको वडा नं २ र ३ मा तथा वैशाख ४ गते नगरपालिकाभर सार्वजनिक बिदा दिने निर्णय गरेको थियो ।