गोली लागेर धेरैबेर छटपटाएपछि मेरैअगाडि रत्न बान्तवाको प्राण गयो

पञ्चायतकालमा नेकपा (माले) ले गुमाएका सबैभन्दा वरिष्ठ नेता थिए– इलामका रत्नकुमार बान्तवा। माओ दिवस पारेर ११ पुस २०३५ मा गठन भएको नेकपा (माले) को संस्थापक केन्द्रीय सदस्य थिए बान्तवा।

इलाम क्याम्पसमा प्राध्यापन गरिरहँदा पूर्णकालीन बनेर राजनीतिमा होमिएका बान्तवाको नेकपा (माले) गठन भएको चार महिना पुग्दानपुग्दै इलामको इभाङमा २७ चैत २०३५ मा प्रहरीले गोली हानी हत्या गरेको थियो।