मोटरबोट चलाएपछि वेगनासतालका जलारी समुदाय रुष्ट, पेशा धरापमा परेको भन्दै बन्द गरिदिन आग्रह

पोखरा । कास्कीको बेगनासतालमा ५४ घर परिवारका २ सय ५० भन्दा बढी व्यक्तिहरु माछा मारेर जीविकोपार्जन गर्दै आएका छन् । रैथाने माछा मार्ने र त्यसैलाई बजारमा बेच्ने उनीहरुको दैनिकी हो । माछा मार्न उनीहरुले स्थानीय स्तरमा बनेका डुंगा प्रयोग गर्छन् । बेगनासतालको अवलोकन गर्न दर्जनौं डुंगाहरु पनि सञ्चालनमा छन् । केही समयअघि यहाँ मोटरबोट चलाउन थालिएको छ । डुंगा व्यवसायी समितिले नै मोटरबोट संचालन गरेको हो । मोटरबोट चलाउन थालेपछि माछा मर्ने क्रम बढेको र आफूहरुको पेशा नै लोप हुने अवस्था आएको जलारी समुदायको भनाई छ ।

‘मोटरबोट चलाएपछि हामी जलारी जातिको पेशालाई प्रत्यक्ष असर परेको छ । रोजीरोटी नै खोसिने अवस्था आएको छ,’ उनीहरुले भने, ‘केही मात्रै व्यक्तिको फाइदाका लागि सञ्चालन गरिएको मोटरबोट तत्काल बन्द गरिदिनुप¥यो ।’ उनीहरुले डुंगा चलाउँदा ठूलो छाल आउने र त्यसले ताल वरपरको घर नै जोखिममा परेको गुनासो गरे । छालका कारण रैथाने माछाले अण्डा व्रिडिङ गर्ने बेलामा पानीको छालले माछाको अण्डा विगार्छ भने यसबाट रैथाने माछाकै लोप हुने अवस्था आएको छ ।