ईन्द्रजित, नरेन्द्र र सन्देशको बयान सकियो, यस्तो छ उनीहरुको भनाइ

काठमाडौं । नेपाली नागरिकलाई नक्कली भुटानी शरणार्थी बनाएर अमेरिका पठाउने प्रलोभनमा प्रतिव्यक्ति १० लाखदेखि ५० लाखसम्म असुल्ने गिरोहमा संलग्न भएको आरोपमा पक्राउ परेका तत्कालीन गृहमन्त्री रामबहादुर थापा बादलका सुरक्षा सल्लाहकार इन्द्रजित राईसहितका तीनजनाको बयान मंगलबार सकिएको छ । राई तथा पूर्वगृहमन्त्री बालकृष्ण खाणका स्वकिय सचिव नरेन्द्र केसी र सन्देश शर्माको बयान सकिएको हो ।

मंगलबार उनीहरुको बयान काठमाडौं जिल्ला अदालतका न्यायाधीश प्रेमप्रसाद न्यौपानेको इजलासमा लिइएको थियो । श्रोतका अनुसार उनीहरु तीनैजनाले इन्कारी बयान दिएका छन् ।