पर्यटक भित्र्याउन रिडीमा नदी थुनेर ताल बनाउँदै स्थानीय युवा

गुल्मी — पर्यटक भित्र्याउने उद्देश्यले स्थानीय युवाहरू मिलेर रिडीमा नदी थुनेर ताल बनाउन लागेका छन् । स्थानीय आठ जना युवा मिलेर आफ्नै लगानीमा माघी मेलालाई केन्द्रमा राखेर डुङ्गा चलाउन ताल बनाउन लागिएको हो ।

रिडी पुलदेखि तीनमुखे पुललाई केन्द्रमा राखेर उक्त नदीलाई थुनेर ताल बनाउन लागिएको युवा सुन्दर भण्डारीले बताए । एक करोड लगानीमा रविलाल पन्थ, नारायण ज्ञवाली, रामप्रसाद ज्ञवाली, विष्णु नेपाल, सुन्दर भण्डारी, विजय कालीराज, पशुपति गौतम र हुमनाथ ज्ञवालीले ताल बनाउन लागेका हुन् । अहिले एकतर्फी ताल बनाउने काम सकिएको छ । बाँकी अर्कोतर्फ काम बनाउन डोजर चलिरहेको छ ।