किन विदेश जान चाहन्छन् नेपाली विद्यार्थी ?

२० वैशाख, काठमाडौं । ‘इन्जिनियरिङ सकिएपछि जागिर खोज्दा पाइन । एउटा कल सेन्टरमा १२ हजार तलबमा काम गर्नुको विकल्प भएन । जागिर सुरु गरेको एक वर्ष भयो तलब १६ हजार पुगेको छ, अनि विदेश नगएर के गर्नु ।’

एक महिना अघिदेखि क्यानडा जाने तयारीमा लागेका बिकल बरालको दैनिकी बदलिएको छ । हिजोआज उनी पुतलीसडकस्थित एक शैक्षिक परामर्श केन्द्र -कन्सल्ट्यान्सी) मा बिहान ६ बजेदेखि ७ बजेसम्म आईएलटीएसको कक्षा लिन्छन् । त्यहाँबाट आएर खाना पकाएपछि विहान कक्षामा पढेको कुरा दोहोर्‍याउँछन् त्यसपछि खाना खाएर काम गर्न जान्छन् ।