सरकारले ७८ गाउँपालिकामा खटायो प्रमुख प्रशासकीय अधिकृत

काठमाडौं । संघीय मामिला तथा सामान्य प्रशासन मन्त्रालयले देशभरका ७८ गाउँपालिकामा प्रमुख प्रशासकीय अधिकृत खटाएको छ।

बिहीबार मन्त्रालयले नेपाल प्रशासन सेवा, सामान्य प्रशासन समूहका राजपत्राङ्कित तृतीय श्रेणी (शाखा अधिकृत) वा सो सरहका कर्मचारीलाई रिक्त रहेका स्थानमा नियुक्त गरेको हो। ती कर्मचारीहरू विभिन्न मन्त्रालय तथा सरकारी निकायबाट स्थानीय तहमा पठाइएका हुन्।