क्षतविक्षत सडक, आवतजावत ठप्प

कालिकोट । अविरल वर्षाका कारण कालीकोटका ग्रामीण सडक अवरुद्ध भएका छन् । सडक अवरुद्ध हुँदा सबैभन्दा बढी शुभकालिका गाउँपालिका, शान्नि त्रिवेणी गाउँपालिका र नरहरिनाथ गाउँपालिकाअन्तर्गतका सडक ठप्प भएका छन् ।

अब सान्नित्रिवेणीको शान्तिघाटदेखि पालिकाको केन्द्र, केन्द्रदेखि मुम्रा, रक, शुभकालिकाको सेरिघाटदेखि भर्ता सुकाटिया, नरहरिनाथको खुलालुदेखि लालुलगायतका दर्जन गाउँमा पुग्ने सडक कात्तिकसम्म बन्द हुनेछन् । असोजसम्म खोलामा पानीको बहाव घट्ने र पहिरोले अवरुद्ध भएको स्थान सफा गरेपछि मात्र सडक सञ्चालनमा आउने भएको छ ।