रियलमाथि बार्सिलोनाको ‘गोल वर्षा, समग्रमा १२-२ को नतिजासहित सेमिफाइनलमा

काठमाडौँ । महिला च्याम्पियन्स लिगको क्वाटरफाइनल अन्तर्गत दोस्रो लेगको खेलमा बार्सिलोनाले आफ्नो चिरपरिचित प्रतिद्वन्द्वी रियल म्याड्रिडलाई ६–० को फराकिलो गोल अन्तरले पराजित गरेको छ ।

घरेलु मैदानमा भएको उक्त खेलमा बार्सिलोनाले सुरुदेखि नै आक्रामक प्रदर्शन गर्दै रियल म्याड्रिडलाई पूर्ण रूपमा दबाबमा राखेको थियो । यस जितसँगै बार्सिलोना दुई लेगको समग्र नतिजामा १२–२ को विशाल अन्तरसहित प्रतियोगिताको अर्को चरणमा प्रवेश गरेको छ ।