भारतको रक्षा निर्यात चार अर्ब डलरको नयाँ उचाइमा

भारतको रक्षा निर्यात गत आर्थिक वर्षमा चार अर्ब डलरभन्दा बढी पुगेको छ । यो देशको स्वदेशी हतियार उत्पादन र निर्यातमा एक नयाँ माइलस्टोनको सङ्केत हो । रक्षा मन्त्रालयले बिहीबार जारी गरेको तथ्याङ्क अनुसार सन् २०२४ देखि निर्यातमा ६० प्रतिशतभन्दा बढी वृद्धि भएको छ । यसले भारतलाई दक्षिण एसियामा प्रमुख हतियार उत्पादक र निर्यातकका रूपमा स्थापित गर्ने दिशामा अघि बढाएको देखाउँछ ।

रक्षामन्त्री राजनाथ सिंहले भन्नुभयो, “भारत विश्वव्यापी रक्षा उत्पादन केन्द्र बन्ने दिशामा अघि बढिरहेको छ । यो निर्यातको ठूलो उछाल हाम्रो स्वदेशी क्षमता र उन्नत उत्पादन शक्तिप्रति अन्तर्राष्ट्रिय विश्वासको प्रतिबिम्ब हो ।” आर्थिक वर्ष २०२५–२६ मा निर्यात तीन खर्ब ८४ अर्ब २४ करोड भारतीय रुपैयाँ (चार अर्ब १५ करोड डलर) मा पुगेको मन्त्रालयले जनाएको छ ।