लागूऔषधसहित पक्राउ

पर्साको वीरगञ्ज महानगरपालिका–१६ स्थित बसपार्कबाट नियन्त्रित लागूऔषध नुफिन ९२ एम्पुलसहित प्रहरीले एक जनालाई पक्राउ गरेको छ ।

प्रहरी प्रधान कार्यालय काठमाडौंका अनुसार सुन्दरबजार नगरपालिका –८ कुसुण्डे बस्ने २२ वर्षीय अनिल सापकोटालाई प्रहरीले पक्राउ गरेको हो । उनको साथमा रहेको डाइजेपाम इन्जेक्सन ९२ एम्पुल, हाइड्रोक्लोराइड ईन्जेक्सन ९२ थानसहित प्रहरीले पक्राउ गरेको जनाएको छ । प्रहरी चौकी बसपार्कबाट खटिएको प्रहरीले जाँच गर्ने क्रममा उक्त लागूऔषधसहित फेला पारी उनलाई पक्राउ गरेको बताएको छ ।