रुसी राष्ट्रपति पुटिनको चीन भ्रमण सम्पन्न, दुवै देशले संयुक्त विज्ञप्ति जारी गरे

चिनियाँ राष्ट्रपति सी जिनपिङ र रुसी राष्ट्रपति भ्लादिमिर पुटिनबीचको वार्तापछि दुवै देशले संयुक्त विज्ञप्ति जारी गरेका छन्।

सामाजिक सञ्जाल प्लेटफर्म टेलिग्राममा जारी विज्ञप्ति अनुसार , समान र सन्तुलित बहुध्रुवीय विश्व र नयाँ प्रकारका अन्तर्राष्ट्रिय सम्बन्धहरूको प्रवर्द्धनको बारेमा कुरा गर्दै, रूस र चीनले विश्वमा अझ न्यायपूर्ण र राम्रो विश्वव्यापी व्यवस्था सिर्जना गर्नुपर्ने बताएका छन्।

यसका लागि दुवै देशले अन्तर्राष्ट्रिय समुदायलाई केही आधारभूत सिद्धान्तहरू अपनाउन अपील गरेका छन्-

संसार यस्तो हुनुपर्छ जहाँ सबै देशहरू मिलेर काम गरून् र सबैलाई फाइदा होस्।

प्रत्येक देशको सुरक्षालाई समान महत्त्व दिनुपर्छ

धेरै देशहरूले विश्व निर्णयहरूमा भाग लिनुपर्छ र प्रणाली अझ राम्रो हुनुपर्छ।

विश्वका विविध संस्कृति र सोचलाई सम्मान गर्नुहोस्

रुस र चीनले बहुध्रुवीय संसार र अझ न्यायपूर्ण अन्तर्राष्ट्रिय सम्बन्धको लागि सँगै काम गरिरहने बताएका छन्।

यस शिखर सम्मेलनको क्रममा चीन र रुसले व्यापार र प्रविधिसँग सम्बन्धित २० भन्दा बढी सम्झौतामा हस्ताक्षर गरेका छन्।

सी जिनपिङले चीन र रुसले "अझ न्यायपूर्ण र तर्कसंगत विश्वव्यापी शासन प्रणाली" प्रवर्द्धनमा ध्यान केन्द्रित गर्नुपर्ने बताए, जबकि पुटिनले उनीहरूको सम्बन्ध "वास्तवमै अभूतपूर्व स्तर" मा पुगेको बताए।