आईपीएलमा हैदराबादमाथि कोलकाताको फराकिलो जित

२१ चैत, काठमाडौं । कोलकाता नाइट राइडर्सले इन्डियन प्रिमियर लिग (आईपीएल) क्रिकेटमा फराकिलो जित हासिल गरेको छ । बिहीबार भएको खेलमा सनराइजर्स हैदराबादलाई ८० रनले हराउँदै कोलकाताले दोस्रो जित निकालेको हो ।

कोलकाताले दिएको २०१ रनको लक्ष्य पछ्याएको हैदराबाद १६.४ ओभरमा १२० रनमा अलआउट भयो । हेनरिच क्लासेनले सर्वाधिक ३३ रन बनाए भने कामिन्दु मेन्डिसले २७ रन बनाए । नितिश कुमार रेड्डीले १९ रन बनाए ।