मुख्य कुरा राम्रा काम गर्ने हो : प्रधानमन्त्री

कीर्तिपुर, कात्तिक २६ गते । प्रधानमन्त्री पुष्पकमल दाहाल ‘प्रचण्ड’ ले कति दिन प्रधानमन्त्री रहनेभन्दा पनि जनता, सुशासन, समृद्धिको पक्षमा राम्रो काम गर्ने कि नगर्ने भन्ने मुख्य कुरा रहेको बताउनुभएको छ । नेपाल कम्युनस्टि पार्टी (माओवादी कन्द्र) द्वारा कीर्तिपुरमा आयोजित जनतासँग माओवादी विशेष रूपान्तरण अभियानलाई सम्बोधन गर्दै प्रधानमन्त्रीले सरकार कति रहन्छ भन्ने मुख्य नभएको उल्लेख गर्नुभयो ।

उहाँले भन्नुभयो, “२०६४ साल एउटा स्थिति थियो । हामी ६४ मा फर्किन त सक्दैनौँ, आउने भनेको ८४ नै हो । हामी ८४ मा पनि ६४ जस्तै जनताको भरोसा र विश्वास जित्न सक्ने छौँ ।”