आइपिएल : लयमा फर्कँदै दिल्ली, बैंग्लोरलाई ७ विकेटले हरायो

इंग्लिस ब्याटर फिल साल्टको उत्कृष्ट पारीको मद्दतमा भारतमा जारी इण्डियन प्रिमियर लिग (आइपिएल) मा दिल्ली क्यापिटल्सले चौथो जित निकालेको छ । चौथो जित निकाल्नेक्रममा दिल्लीले गएराति भएको खेलमा रोयल च्यालेन्जर्स बैंग्लोरलाई ७ विकेटले हरायो ।

बैंग्लोरले दिएको १ सय ८२ रनको लक्ष्य दिल्लीले १६.४ ओभरमा ३ विकेटको क्षतिमा भेट्टायो । उसका लागि साल्टले ४५ बलमा ८ चौका र ६ छक्कासहित ८७ रनको आक्रामक इनिङ खेले ।