आर्सनलको टोटेनहममाथि सहज जित
pahilopost.com · Mon Sep 27 00:49:08 GMT 2021
इङ्ग्लिस प्रिमियर लिग अन्तर्गत गएराति सम्पन्न खेलमा आर्सनलले टोटेनहममाथि सहज जित निकालेको छ। इमिरेट्स स्टेडियममा सम्पन्न खेलमा आर्सनलले ३-१ गोलअन्तरको सहज जित निकालेको हो।
खेलको १२ औं मिनेटमै बुकायो साकाको पासा इमिल स्मिथले गोल गर्दै आर्सनललाई अग्रता दिलाएका थिए। त्यस्तै २७ औं मिनेटमा पिअरे एम्रिक औबुमेयाङले गोल गर्दा बुकायो साकाले ३४ औं मिनेटमा गोल गरे। पहिलो हाफमा आर्सनल तीन गोलले अघि रह्यो। दोस्रो हाफमा टोटेनहमका लागि सन ह्युङ मिनले सान्त्वना गोल फर्काए। उनले खेलको ७९ औं मिनेटमा गोल गरेका थिए। र, लिगमा खराब सुरुवात गरेको आर्सनलले ३-१ को जित निकाल्दै जितको शृङखला लम्भाउने ध्येयमा देखिन्छ।
स्रोतमा पूरा पढ्नुहोस् (pahilopost.com)