हिमाल जोगाउनुपर्ने दायित्व

हिमताल फुट्ने जोखिमलाई न्यूनीकरण गर्नुपर्छ। सम्भावित जोखिमको पूर्वतयारी पनि अत्यावश्यक छ।

पृथ्वी दिन–रात तातिँदै गएको छ। उद्योगधन्दा, कलकारखाना र यातायातका साधनले गरेको कार्बन उत्सर्जनकै कारण पृथ्वी प्राकृतिक हिसाबभन्दा बढी द्रुत गतिमा तातिएको छ। यसमा नेपालको योगदान शून्यजस्तै छ। तर, पृथ्वी तातिँदा सबैभन्दा धेरै नकारात्मक असर भोग्नेमा नेपाल अग्रपंक्तिमा पर्छ। नेपालमा जति हिमाल छन्, तिनमा प्रत्यक्ष असर देखिएको छ। पहिला हिउँले भरिएका पहाड क्रमशः कालापत्थरमा रूपान्तरण हुँदै छन्।