‘डाकिनी’मा तीन करोड पारिश्रमिक लिने सिनेमेटोग्राफर मार्क ली को हुन् ?

काठमाडौं । चलचित्र ‘डाकिनी’मा सिनेमेटोग्राफरले तीन करोड रुपैयाँ पारिश्रमिक लिएका छन् । साढे नौ करोड लगानीमा बनेको चलचित्रमा सिनेमेटोग्राफरले तीन करोड पारिश्रमिक लिएका हुन् ।

तर, यसका कलाकार तथा निर्माता रवीन्द्रसिंह बानियाँ भने सिनेमेटोग्राफरले तीन करोड पारिश्रमिक नभएर पकेटमनी मात्रै लिएको बताउँछन् । “डाकिनीमा हामीले सिनेमेटोग्राफरलाई पारिश्रमिक दिएका हैनौं, उहाँलाई हामी पारिश्रमिक दिन सक्दैनौँ,” उनले भने, “वास्तवमा तीन करोड त उहाँको हामीले चिया खर्च लिएजस्तो मात्रै हो ।” नेपालमा तीन करोडमा बनेका चलचित्रलाई बिग बजेटका चलचित्र भनिन्छ ।