जेलेन्स्कीले पठाए पुटिनलाई खुल्लापत्र, प्रत्यक्ष संवाद गर्न आग्रह

काठमाडौं । युक्रेनी राष्ट्रपति भोलोदिमिर जेलेन्स्कीले रुसी राष्ट्रपति भ्लादिमिर पुटिनसँग प्रत्यक्ष भेटवार्ताको प्रस्ताव गरेका छन्। पुटिनलाई लेखिएको खुला पत्रमा जेलेन्स्कीले युक्रेन र रुसबीचको प्रत्यक्ष संवादबाट मात्रै शान्ति सम्भव हुने उल्लेख गरेका छन्।

१,८०० शब्दभन्दा लामो पत्रमा उनले प्रस्तावित वार्ताको अवधिभर पूर्ण युद्धविराम लागू गर्न पनि आग्रह गरेका छन्। तर पुटिनले बिहीबार नै यस्तो प्रस्ताव अस्वीकार गरिसकेका थिए। अमेरिकी राष्ट्रपति डोनाल्ड ट्रम्पले भने दुवै नेता भेटे ‘अत्यन्त राम्रो हुने’ बताएका छन्। ‘उनीहरू भेटे राम्रो हुन्छ। उनीहरूले भेट्नुपर्छ र यो विषय टुंग्याउनुपर्छ,’ ट्रम्पले भनेका छन्।