दन्किएको राजनीतिक आगोमा घ्यु थप्पै ओली र प्रचण्ड

आमनागरिक यति निरास र आक्रोशित छन् कि नेताहरूको नाम पनि सुन्न मन पराउदैनन्। नेताहरूकै कारण देशको विकास हुन सकेन, भ्रष्टाचार बढ्यो र युवा विदेशिनुपरेको ठम्याइ आमनेपालीमा छ। त्यही भएर अहिले नागरिकले भन्न थालेका छन्, यो गणतन्त्र होइन,नेतातन्त्र हो। नेताहरूविरुद्ध नारावाजी मात्र होइन आक्रमण पनि हुन थालेको छ।

गत वर्ष प्रधानमन्त्री केपी ओली र कांग्रेस सभापति शेरबहादुर देउवाविरुद्ध टुडिखेलमा नारावाजी भयो। ओलीविरुद्ध नारावाजीको शिलशिला जारी रहेका बेला शनिबार मात्र माओवादी अध्यक्ष प्रचण्डलाई प्रश्न सोधियो। आक्रोशित युवाको प्रश्न प्रचण्डले रुचाएनन्, माओवादीका नेताहरुले कुटे।