बोर्नमाउथसँग टोटनह्याम पराजित

काठमाडौँ । नेपाली समय अनुसार बिहीबार बिहान सम्पन्न प्रिमियर लिगमा टोटनह्यामले बोर्नमाउथसँग पराजय भोगेको छ। खेलको सुरुआतमै माथिस टेलले ५ औँ मिनेटमा गोल गर्दै टोटनह्यामलाई अग्रता दिलाए । तर बोर्नमाउथका इवानिल्सनले २२ औँ मिनेटमा गोल गर्दै खेल बराबरीमा ल्याए । पहिलो हाफको अन्त्यतिर एली जुनियर क्रौपीले गोल गर्दै बोर्नमाउथलाई अग्रता दिलाए ।

खेलको दोस्रो हाफमा टोटनह्यामका जोआओ पालिन्हाले ७८ औँ मिनेटमा गोल गरे पनि इन्जुरी समयमा अन्तोइन सेमेनीयोले निर्णायक गोल गर्दै बोर्नमाउथको जित सुनिश्चित गरे ।