माओवादी-नेकपा (एस) एकता चुनाव अघि कि पछि ?

काठमाडौँ — नेकपा माओवादी केन्द्र र नेकपा (एकीकृत समाजवादी)बीच पार्टी एकता प्रक्रिया सुरु भएको छ । एकीकृत समाजवादीले सचिवालयको बुधबार सम्पन्न बैठकले एकता संयोजन समिति गठन गर्ने निर्णय गरेसँगै दुवै पार्टीबीच एकता प्रक्रिया सुरु भएको हो । एकीकृत समाजवादी महासचिव बेदुराम भुसालले मंसिरमा हुने आमनिर्वाचनपछि एकता गर्ने गरी प्रक्रिया सुरु गरेको बताए ।

'यस विषयमा माओवादीले पहिले नै निर्णय गरिसकेको थियो । हामी ढिलो भयौं । हामीले पार्टी एकता प्रक्रियालाई अघि बढाउने निर्णय गरेका छौं । मुख्य काम भने चुनाव हुने तर त्यसबीचमा पनि छलफलहरु हुने छन्,' भुसालले भने, 'तर चुनावअघि एकतामा पुग्ने संभावना त्यति देखिँदैन ।'