नेयमार र मेस्सीबिना पीएसजी स्तब्ध

साबिक विजेता पेरिस सेन्ट जर्मेन राम्रो फर्ममा रहेको लेन्ससँग ३–१ गोल अन्तरले पराजित भएको छ । लिग वानमा पीएसजी पराजित भएको गत मार्च यता पहिलोपटक हो । गत मार्च २० मा पीएसजी मोनाकोसँग ३–० गोलले पराजित भएको थियो ।

यो सिजन लेन्सले लिगका १७ खेलमा मात्र एक पटक हार बेहोरेको छ । जीतसँगै टोली शीर्ष स्थानमा रहेको पीएसजीभन्दा मात्र ४ अङ्कले पछि रहेको छ । लेन्सले आफ्नो घरेलु मैदानमा खेलको पाँचौँ मिनेटमा नै प्रेज्मिस्ल फ्रांकोवोस्कीको गोलको मतमा अग्रता लिएको थियो । ह्युगो एकिटिकेले पीएजीका लागि लगत्तै गोल फर्काए पनि लुइस ओपेन्डा र एलेक्सिस क्लाउने माउरिसले गोल गर्दै लेन्सको जीत सुनिश्चित गरे ।