लुम्बिनीमा उपनिर्वाचन : रुकुममा कांग्रेसको चुनाव चिन्ह लिएर एमाले उम्मेदवार मैदानमा

बुटवल । मङ्सिर १६ गते हुने उपनिर्वाचनका लागि लुम्बिनी प्रदेशमा एक गाउँपालिका उपाध्यक्ष र ५ वटा वडा अध्यक्षको निर्वाचनमा आज उम्मेदवारी दर्ता भएको छ ।

दर्ता भएको उम्मेदवारीमध्ये रुकुम पूर्व जिल्लाको पुथा उत्तरगंगा गाउँपालिकामा कांग्रेसको चुनाव चिन्हमा एमाले उम्मेदवार मैदान उत्रिएका छन् । पटक-पटक माओवादीले जित्दै आएको यो गाउँपालिकामा कांग्रेस र एमालेको सहमतिमा एमाले नेत्री केशकुमारी तुलाचनलाई कांग्रेसको चुनाव चिन्हमा उम्मेदवारी दर्ता गराइएको हो । तुलाचन एमाले रुकुम पूर्वको उप सचिव हुन् ।