फेरि ब्युँतियो पहिचानको आन्दोलन, तर देखिएन उत्साह !

विराटनगर । २०७९ फागुन १७ गते प्रदेशको नाम कोशी राखेसँगै आन्दोलित बनेका पहिचानवादीको आन्दोलन २०८१ वैशाख १५ गते सम्पन्न इलाम–२ को उपनिर्वाचनमा पुगेर टुङ्गिएको थियो । त्यसको ७ महिनापछि पुनः आइतबार विराटनगरमा पहिचानवादीहरूको प्रदर्शन सुरु भएको छ । पहिचान पक्षधरहरूले आइतबार दोस्रो चरणको आन्दोलनको घोषणा गरेका हुन् ।

प्रदेश नम्बर १ पुनः नामकरण संयुक्त सङ्घर्ष समितिको आह्वानमा विराटनगरको भृकुटी चोकबाट जनआन्दोलन चोकसम्म पहिचान पक्षधरले प्रदर्शन गरे । उनीहरूले कोशी प्रदेश खारेज गरी पहिचानको आधारमा नामकरण हुनुपर्ने माग राख्दै निकालेको ¥याली जनआन्दोलन चोकमा पुगेर कोणसभामा परिणत भयो ।