नापोलीले ३३ वर्षपछि जित्यो इटालियन सिरिएको उपाधि

काठमाडौं । युरोपका चर्चित ब्यवसायीक फुटबल लिगहरुमध्ये एक हो, इटालियन सिरिए । यो सिजनको इटालियन सिरिएको उपाधि नापोलीले जितेको छ । सिरिएअन्तर्गत बिहीबार राति खेलिएको खेलमा उडिनेसलाई १—१ गोलको बराबरीमा रोक्दै नापोलीले उपाधिमाथि कब्जा जमाएको हो ।

नापोलीले ३३ वर्षपछि सिरिएको उपाधि जितेको हो । यसअघि नापोलीले सन् १९८९÷१९९० सिजनमा सिरिएको उपाधि चुमेको थियो । नापोलीले जितेको यो तेस्रो सिरिए उपाधि पनि हो । नापोलीले पहिलो पटन सन् १९८६÷८७ सिजनमा उपाधि जितेको थियो । हालसम्म सिरिएमा नापोली ८ पटक उपविजेता बनेको छ ।