‘राजनीतिक हस्तक्षेप नरोके एक दशकमै मरुभूमि बन्छ तराई’

काठमाडौँ । नेपालको दक्षिणी समथर तराई र भारतको विशाल गङ्गा मैदानको ‘वाटर टावर’ मानिने चुरे शृङ्खला चरम राजनीतिक हस्तक्षेप र अनियन्त्रित दोहनका कारण गम्भीर संकटमा परेको छ।

विश्व कृषि तथा खाद्य कार्यक्रमअन्तर्गत सञ्चालित चुरे उत्थानशील आयोजनाका राष्ट्रिय कार्यक्रम संयोजक तथा राष्ट्रपति चुरे संरक्षण विकास समितिका पूर्वअध्यक्ष डा. किरण पौडेलले चुरेलाई दलीय राजनीतिबाट मुक्त नगरे आगामी एक दशकभित्रै नेपालको अन्नभण्डार मरुभूमिमा परिणत हुने चेतावनी दिएका छन्।