प्रदेश २ मा नेतृत्व हत्याउन देउवा र निधि समूहका केन्द्रीय नेताहरू जनकपुरमा

जनकपुरधाम । प्रदेश २ कांग्रेसको नयाँ नेतृत्वका लागि बुधबार (भोलि) चुनाव हुँदैछ । कांग्रेस प्रदेश २ को सभापति पदका लागि कांग्रेस प्रदेश २ संसदीय दलका नेता तथा भौतिक पूर्वाधार विकासमन्त्री रामसरोज यादव र रौतहट जिल्ला सभापति कृष्ण यादव चुनावी मैदानमा छन् ।

मगंलवार बेलुका मतदानस्थल गोपाल धर्मशालामा पुगेर रामसरोज र कृष्णले मंगलबार सभापतिमा उमेदवारी दर्ता गराएका थिए । सभापतिमा उमेदवारी दिएका रामसरोजलाई नेता विमलेन्द्र निधि र शेखर कोइराला समूहको समर्थन छ । कृष्णलाई भने सभापति शेरबहादुर देउवाको समर्थन रहेको छ ।