सम्पर्कविहीन कर्मचारीको खोजी गर्दै सरकार,३ दिनभित्र हाजिर हुन अल्टिमेटम

सरकारले सम्पर्कविहीन निजामती कर्मचारीहरूको खोजी प्रक्रिया अघि बढाएको छ।

अध्ययन बिदा तथा असाधारण बिदामा रहेका केही कर्मचारीहरू बिदा अवधि समाप्त भएपछि सम्बन्धित कार्यालयमा हाजिर नभएको, लामो समयदेखि सम्पर्कमा नरहेको तथा राष्ट्रिय किताबखाना (निजामती) मा व्यक्तिगत विवरण (PIS) अद्यावधिक नगरेको पाइएपछि संघीय मामिला तथा सामान्य प्रशासन मन्त्रालयले सूचना जारी गरेको हो। मन्त्रालयका अनुसार अध्ययन बिदा तथा असाधारण बिदासम्बन्धी अभिलेख अद्यावधिक नभएका कर्मचारीहरूले सूचना प्रकाशित भएको मितिले तीन दिनभित्र अनिवार्य रूपमा आफ्नो विवरण अद्यावधिक गराउनुपर्नेछ।