‘देउपर्व’मा देउवाको डडेलधुरा दौडाहा

बसाइँसराइले रित्तिँदै गएको सुदूरपश्चिम पहाड यति बेला भने गुलजार छ । दसैँ–तिहारमा नभित्रिएको रौनक त्यसपछि भने पहाडी रस्तीबस्ती पसेको छ। किनभने पहाडमा चलिरहेको ‘देउपर्व’ उत्कर्षमा छ ।

केही वर्ष अघिसम्म त दसैँ तिहार नलाग्दै रौनक यसै गरी पहाड पस्थ्यो । सहरतर्फ पढाई लेखाइ र रोजगारीका लागि अस्थायी बसाइँ सरेका युवाहरू चाडपर्वमा उल्लास लिएर गाउँ फिर्थे । अहिले समय उल्टिएको छ, स्थायी रूपमै बसाइसरेका सन्तानसँग चाडपर्व मनाउन वृद्ध आमा बाहरू सहर पस्छन् । विदेशमा पुगेका कतिपय युवाले आफ्ना आमाबुबालाई चाडपर्व मनाउन उतै डाँक्न थालेका छन् ।