आयोजक मकवानपुर टाइब्रेकरमा बागमतीसँग स्तब्ध

छैटौँ सहिद स्मृति स्थानीय तह मकवानपुर गोल्डकप फुटबल प्रतियोगितामा आइतबार बागमती युवा क्लब सर्लाहीसँग आयोजक मकवानपुर– ११ टाइब्रेकरमा ४–२ ले स्तब्ध भएको छ ।

जितसँगै बागमती सेमिफाइनलमा पुगेको छ । बागमतीले स्टार खेलाडीले भरिएको मकवानपुरलाई निर्धारित समयमा २–२ को बराबरीमा रोकेको थियो । गौरीटार रंगशालामा भएको क्वार्टरफाइनलको टाइब्रेकरमा दोस्रो रोजाइका गोलरक्षक रौनक चौलाागाईंले उत्कृष्ट प्रदर्शन गरेपछि बागमती अन्तिम चारमा पुगेको हो । उनले राष्ट्रिय खेलाडी सुरजज्यू ठकुरीको प्रहार बचाएका थिए ।