बाढी प्रभावितको उद्धार,राहत र पुनर्स्थापनामा उच्च प्राथमिकता आवश्यक : विद्यादेवी भण्डारी

काठमाडौँ । पूर्वराष्ट्रपति विद्यादेवी भण्डारीले रसुवाको भोटेकोसी नदीमा आएको विनाशकारी बाढीपछि उद्धार र राहतसँगै विस्थापित तथा प्रभावित परिवारको पुनर्स्थापना, क्षतिग्रस्त संरचनाको पुनर्निर्माण र प्रभावित क्षेत्रको जनजीवनलाई सामान्य अवस्थामा फर्काउने कार्यलाई उच्च प्राथमिकता दिनुपर्ने बताएकी छन् ।

शुक्रबार सन्देश जारी गर्दै पूर्वराष्ट्रपति भण्डारीले उद्धार, राहत र पुनर्स्थापनाका लागि संघ, प्रदेश र स्थानीय तहबिच प्रभावकारी समन्वय गर्दै आवश्यक स्रोत, साधन र प्राविधिक जनशक्तिको परिचालन गर्न आग्रह गरेकी छन् ।