एम्बाप्पेको गोलमा पीएसजीलाई ८ अंकको अग्रता

पेरिस । किलियान एम्बाप्पेले सिजनको १९ औँ गोल गर्दा पेरिस सेन्ट जर्मेनले लिग वानको तालिकाको शीर्ष स्थानमा ८ अंकको अग्रता बनाएको छ । आइतबार राति भएको खेलमा पीएसजीले १० खेलाडीमा सीमित लेन्सलाई २–० गोलले हराएको हो ।

शनिबार दोस्रो स्थानमा रहेको निस रेनसँग पराजित हुँदै शीर्ष स्थानमा रहेको पीएसजीसँगको अग्रता घटाउने अवसर गुमाएको थियो । यसको फाइदा उठाउँदै पीएसजीले अग्रता फराकिलो बनाउन सफल भएको हो ।