पहिलो हाफमा कतार १–० ले पछि, एम्बोलोको पेनाल्टी गोलमा स्विट्जरल्यान्डको अग्रता

काठमाडौँ । फिफा विश्वकप २०२६ को समूह ‘बी’ अन्तर्गत कतार र स्विट्जरल्यान्डबीच जारी प्रतिस्पर्धाको पहिलो हाफ सकिएको छ । अमेरिकाको सान्ता क्लारामा भइरहेको खेलको पहिलो ४५ मिनेटको समाप्तिसम्म स्विट्जरल्यान्डले कतारमाथि १(० को अग्रता बनाएको छ ।

खेलको सुरुवाती समयदेखि नै कतारमाथि दबाब बनाएको स्विट्जरल्यान्डले १७ औँ मिनेटमा पेनाल्टीमार्फत अग्रता लिएको थियो । ब्रेएल एम्बोलोले मिलाइदिएको हेडर पासमा अघि बढ्दै गरेका रेमो फ्रुलेरलाई कतारी गोलकिपर महमुद अबुनादाले डि–बक्सभित्र लडाएपछि रेफ्रीले स्विट्जरल्यान्डलाई पेनाल्टी दिएका थिए । सोही अवसरलाई सदुपयोग गर्दै स्ट्राइकर ब्रेएल एम्बोलोले गोलमा परिणत गरे ।