क्लबले खेलाडी फुकुवा नगर्ने भएपछि राष्ट्रिय फुटबल टिमको बन्द प्रशिक्षण स्थगित

काठमाडौं । सहिद स्मारक 'ए' डिभिजन लिगका १० क्लबहरूले खेलाडी फुकुवा नगर्ने घोषणा गरेपछि नेपाली राष्ट्रिय फुटबल टोलीको बन्द प्रशिक्षण स्थगित भएको छ ।

बिहीबार १० क्लबले लिग समाप्त नहुँदासम्म खेलाडी नछोड्ने बताएपछि अखिल नेपाल फुटबल संघ (एन्फा)ले एक विज्ञप्ति जारी गर्दै राष्ट्रिय टोलीको बन्द प्रशिक्षण स्थगित गरिएको जनाएको हो ।