साना चार कम्युनिस्ट पार्टीबीच मोर्चाबन्दी

काठमाडौं । विभिन्न साना चार कम्युनिस्ट पार्टीबीच मोर्चा बन्दी हुनेभएको छ । संयुक्त मोर्चा बनाउने निर्णय गरेका ती कम्युनिस्ट पार्टीले कार्यदल समेत गठन गरेका छन् ।

सोमबार काठमाडौंमा बसेको नेक्रविक्रम चन्द ‘विप्लव’ नेतृत्वको नेपाल कम्युनिस्ट पार्टी, विश्वभक्त दुलाल ‘आहूती’ नेतृत्वको वैज्ञानिक समाजवादी पार्टी, ऋषि कट्टेल नेतृत्वको नेपाल कम्युनिस्ट पार्टी र कर्णजित बुढाथोकी नेतृत्वको नेकपा माओवादी समाजवादीको संयुक्त बैठकले कार्यदल बनाउने निर्णय गरेको हो ।