महिला खेलाडीको गोप्य भिडियो खिच्ने प्रशिक्षकलाई आजीवन प्रतिबन्ध

चेक गणतन्त्रका महिला फुटबल क्लबका प्रशिक्षक पेट्र भ्लाखोभ्स्कीलाई आफ्ना खेलाडीहरूको चेन्जिङ रुममा गोप्य रूपमा भिडियो खिचेको आरोपमा आजीवन प्रतिबन्ध लगाइएको छ ।

रोयटर्सका अनुसार, युरोपेली फुटबलको सर्वोच्च निकाय यूईएफएले भ्लाखोभ्स्कीमाथि आजीवन प्रतिबन्ध लगाएको जनाएको छ । यूईएफएको कन्ट्रोल, एथिक्स एन्ड डिसिप्लिनरी बडी (सिईडिबि)ले मंगलबार एक वक्तव्य जारी गर्दै सम्भावित दुराचारसम्बन्धी अनुसन्धानपछि भ्लाखोभ्स्कीलाई “जीवनभर कुनै पनि फुटबलसम्बन्धी गतिविधिमा संलग्न हुन नपाउने” निर्णय गरेको बताएको छ ।