लम्पी स्किनमा संवेदनशीलता खै ?

गत वर्ष पनि लम्पी स्किन रोग फैलिएको थियो। तर, त्यतिबेला ‘सिरियसली’ हेरिएन। यो वर्ष त महामारीकै रूप लियो।

लम्पी स्किन रोगले महामारीको रूप लिएको छ। गाई र गोरुमा मात्र होइन, भेडाबाख्रामा पनि यो रोग लाग्न सक्छ। यो रोगबाट हालसम्म ६० प्रतिशत पशु संक्रमित भएको अनुमान गरिएको छ। यसैकारण मुलुकभर आतंक मच्चिएको छ। सुदूरपश्चिम, कर्णाली र कोसी प्रदेशका मध्यपहाडी तथा पहाडी क्षेत्रमा यो रोगबाट धेरै नै पशुहरू संक्रमित भएका छन्।