कोलकाता बलात्कार र हत्या प्रकरण ममता बनर्जीको छवि र राजनीतिको सङ्कट कति गहिरो छ?

कोलकाताः कोलकाताको आरजी कर मेडिकल कलेज र अस्पतालमा एक मेडिकल विद्यार्थीको बलात्कार र हत्याको घटनाले पश्चिम बङ्गाल राज्यलाई हल्लाएको छ।

विरोध प्रदर्शन, बन्द र हिंसाका घटनाहरूका बिचमा, राज्यका राज्यपाल सीभी आनन्द बोस अहिले दिल्लीका लागि प्रस्थान गरेका छन्। बिहीबार भाजपाका प्रदेश अध्यक्ष सुकान्त मजूमदार र वरिष्ठ नेताहरूले राज्यपाललाई भेटेका थिए र ज्ञापनपत्र दिएका थिए। यसले राज्यपाललाई पश्चिम बङ्गालमा "संवैधानिक मूल्यहरूको रक्षा" गर्न "अनुरोध" गरेको थियो।