स्वास्थ्य पत्रकार न्यौपानेलाई ‘रोटरी क्लव अफ काठमाडौँ नर्थ’को सम्मान

काठमाडौं- रोटरी क्लब अफ काठमाडौँ नर्थले ‘नेपाली हेल्थ’का सम्पादक रामप्रसाद न्यौपानेलाई सम्मान गरेको छ। स्वास्थ्य सचेतनाका कार्यमा नेपाली हेल्थ डटकम (वा मिडिया)का माध्यमबाट निरन्तर क्रियाशील रहेको भन्दै उनलाई सम्मान गरिएको हो।

शनिबार आयोजित क्लबको ३३औँ इन्स्टलेशन (पदस्थापन) समारोहमा निवर्तमान अध्यक्ष प्रदीप थापाले सम्पादक न्यौपानेलाई सम्मान पत्र प्रदान गरेका थिए। सो अवसरमा उनले स्वास्थ्य सचेतनाका कार्यमा निरन्तर लाग्न र रोटरीको स्वास्थ्य तथा सामाजिक अभियानलाई सहयोग पुर्‍याउन आग्रह गरे।